สพฺพํ ตมนฺตรหิตํ นนุ ริตฺตา สพฺพสงฺขารา"ติ.

ตตฺถ ปุณฺฑรีโกติ เสตมฺพรุกฺโข. ตีณิ โยชนโส ปภาติ ตีณิ โยชนานิ ปภา นิจฺฉรนฺตีติ อตฺโถ. ธมฺมเมฆนฺติ ธมฺมวสฺสํ, ธมฺมวสฺสนโก พุทฺธเมโฆ. เตมยิตฺวาติ ธมฺมกถาสลิเลน เตเมตฺวา, สิญฺจิตฺวาติ อตฺโถ. สเทวเกติ สเทวเก สตฺเต. เขมนฺตนฺติ เขมนฺตํ นิพฺพานํ. อนุพฺยญฺชนสมฺปนฺนนฺติ ตมฺพนขตุงฺคนาส- วฏฺฏงฺคุลิตาทีหิ อสีติยา อนุพฺยญฺชเนหิ สมฺปนฺนํ, ทฺวตฺตึสมหาปุริสลกฺขณ- ปฏิมณฺฑิตํ ภควโต สรีรนฺติ อตฺโถ. สิขี กิร สมฺมาสมฺพุทฺโธ สีลวตีนคเร อสฺสาราเม ปรินิพฺพายิ.

@๔ ปาฬิ. โยชนานิ ๕ ฉ.ม. ปวสฺเสตฺวา