ตทา อมฺหากํ โพธิสตฺโต เขโม นาม ราชา หุตฺวา พุทฺธปฺปมุขสฺส สํฆสฺส ปตฺตจีวรํ มหาทานํ ทตฺวา อญฺชนาทีนิ สพฺพเภสชฺชานิ จ อทาสิ. อญฺญญฺจ สมณปริกฺขารํ ทตฺวา ตสฺส ธมฺมเทสนํ สุตฺวา ปสนฺนหทโย หุตฺวา ภควโต สนฺติเก ปพฺพชิ. โส ปน สตฺถา "อนาคเต อิมสฺมึเยว กปฺเป พุทฺโธ ภวิสฺสตี"ติ พฺยากาสิ. เตน วุตฺตํ:-

[๘] "อหนฺเตน สมเยน เขโม นามาสิ ขตฺติโย

ตถาคเต ชินปุตฺเต ทานํ ทตฺวา อนปฺปกํ.

[๙] ปตฺตญฺจ จีวรํ ทตฺวา อญฺชนํ มธุลฏฺฐิกํ