"นิพฺพุตา นูน สา มาตา นิพฺพุโต นูน โส ปิตา

นิพฺพุตา นูน สา นารี ยสฺสายํ อีทิโส ปตี"ติ ๔- อิมํ อุทานํ อุทาเนสิ.

โพธิสตฺโต ตํ สุตฺวา จินฺเตสิ "อยํ เม สุสฺสวนํ วจนํ สาเวสิ, อหํ หิ นิพฺพานํ คเวสนฺโต วิจรามิ, อชฺเชว มยา ฆราวาสํ ฉฑฺเฑตฺวา นิกฺขมฺม ปพฺพชิตฺวา นิพฺพานํ คเวสิตุํ วฏฺฏตี"ติ. "อยํ อิมิสฺสา อาจริยภาโค โหตู"ติ มุตฺตาหารํ กณฺฐโต โอมุญฺจิตฺวา กิสาโคตมิยา สตสหสฺสคฺฆนิกํ ปรมรติกรํ มุตฺตาหารํ เปเสสิ. สา "สิทฺธตฺถกุมาโร มยิ ปฏิพทฺธหทโย หุตฺวา ปณฺณาการํ เปเสสี"ติ โสมนสฺสชาตา อโหสิ.