ตตฺถ อหนฺติ อตฺตานํ นิทฺทสติ. เอตรหีติ ตสฺมึ กาเล. สกฺยวฑฺฒโนติ สากิยกุลวฑฺฒโน. "สกฺยปุงฺคโว"ติปิ ปาโฐ. ปธานนฺติ วีริยํ วุจฺจติ. ปทหิตฺวานาติ ฆเฏตฺวา วายมิตฺวา, ทุกฺกรการิกํ กตฺวาติ อตฺโถ. อฏฺฐารสนฺนํ โกฏีนนฺติ พาราณสิยํ อิสิปตเน มิคทาเย ธมฺมจกฺกปฺปวตฺตนสุตฺตนฺตกถาย อญฺญาสิ- โกณฺฑญฺญตฺเถรปฺปมุขานํ อฏฺฐารสนฺนํ พฺรหฺมโกฏีนํ ปฐมาภิสมโย อโหสีติ อตฺโถ.

อิทานิ ภควา อตีตํ กเถตฺวา อนาคตํ อภิสมยํ กเถนฺโต:-

[๓] "ตโต ปรญฺจ เทเสนฺเต นรเทวสมาคเม ๑-

คณนาย น วตฺตพฺโพ ทุติยาภิสมโย อหู"ติ- อาทิมาห.