@๓ ขุ.ชา. ๒๗/๑๘-๔๓/๒๙๓-๔. ๔ องฺ.เอกก. ๒๐/๒๒๕/๒๕.
[๑๖๖] คุณาคุณวิทูติ คุณญฺจ อคุณญฺจ คุณาคุณํ, วณฺณาวณฺณํ, กุสลากุสลํ วา ตํ ชานาตีติ คุณาคุณวิทู. กตญฺญูติ อญฺเญหิ กตคุณํ ชานาตีติ กตญฺญู, เอกทิวสมฺปิ ภตฺตทานาทินา กตูปการสฺส รชฺชมฺปิ ทาตุํ สมตฺถตฺตา กตญฺญู. กตเวทีติ กตํ วินฺทติ อนุภวติ สมฺปฏิจฺฉตีติ กตเวที. ติตฺเถ โยเชติ ปาณิเนติ สพฺพสตฺเต นิพฺพานปเวสนุปาเย กุสลปเถ มคฺเค ธมฺมเทสนาย โยเชติ สมฺปโยเชติ ปติฏฺฐาเปตีติ อตฺโถ. เสสํ อุตฺตานตฺถเมว. คมนวณฺณน- คาถานมตฺโถ เถรคาถายํ วุตฺโตเยวาติ.
กาฬุทายิตฺเถราปทานวณฺณนา นิฏฺฐิตา.