ตทา ปน อีทิสานํ ปุริสวิเสสานํ รกฺขณตฺถาย จตูหิ โลกปาเลหิ ฐปิตา มณิเมขลา นาม เทวธีตา อตฺตโน อิสฺสริเยน สตฺตาหํ ปมชฺชิตฺวา สตฺตเม ทิวเส ตํ ทิสฺวา "สจายํ อิธ มริสฺส, อติวิย คารยฺหา อภวิสฺสนฺ"ติ สํวิคฺคหทยา สุวณฺณปาติยา ทิพฺพโภชนสฺส ปูเรตฺวา เวเคนาคนฺตฺวา "พฺราหฺมณ อิทํ ทิพฺพโภชนํ ภุญฺชา"ติ อาห. โส ตํ อุลฺโลเกตฺวา "นาหํ ภุญฺชามิ, อุโปสถิโกมฺหี"ติ ปฏิกฺขิปิตฺวา ตํ ปุจฺฉนฺโต:-

"ยํ ตฺวํ สุเขนาภิสเมกฺขเส มํ

ภุญฺชสฺสุ ภตฺตํ อิติ มํ วเทสิ

ปุจฺฉามิ ตํ นาริ มหานุภาเว