อถ โพธิสตฺโต "น เมตํ ปติรูปํ, ยํ เม ยาจกานํ มโนรถวิฆาโต สิยา, มยฺหญฺจ สมาทานเภโท สิยา"ติ หตฺถิกฺขนฺธโต โอตริตฺวา "สเจ อนลงฺกตฏฺฐานํ อตฺถิ, อลงฺกริตฺวา ทสฺสามี"ติ สมนฺตโต โอโลเกตฺวา อนลงฺกตฏฺฐานํ อทิสฺวา โสณฺฑาย นํ คเหตฺวา พฺราหฺมณานํ หตฺเถสุ ฐเปตฺวา รตนภิงฺคาเรน ปุปฺผคนฺธวาสิตํ อุทกํ ปาเตตฺวา อทาสิ. เตน วุตฺตํ:-

[๒๓] "น เม ยาจกมนุปฺปตฺเต ปฏิกฺเขโป อนุจฺฉโว

มา เม ภิชฺชิ สมาทานํ ทสฺสามิ วิปุลํ คชํ.

[๒๔] นาคํ คเหตฺวา โสณฺฑาย ภิงฺคาเร รตนามเย