ยทา อหุ เนมิราชา ปณฺฑิโต กุสลตฺถิโก"ติ- ๒-

ตํ สุตฺวา สกฺกํ เทวานมินฺทํ อาทึ กตฺวา สพฺเพ เทวา โพธิสตฺตํ ทฏฺฐุกามา อเหสุํ. อเถกทิวสํ มหาปุริสสฺส อุโปสถิกสฺส อุปริปาสาทวรคตสฺส ปจฺฉิมยาเม ปลฺลงฺกํ อาภุชิตฺวา นิสินฺนสฺส เอวํ เจตโส ปริวิตกฺโก อุทปาทิ "ทานํ นุ โข วรํ, อุทาหุ พฺรหฺมจริยนฺ"ติ. โส ตํ อตฺตโน กงฺขํ ฉินฺทิตุํ นาสกฺขิ. ตสฺมึ ขเณ สกฺกสฺส ภวนํ อุณฺหาการํ ทสฺเสสิ. สกฺโก ตํ การณํ อาวชฺเชนฺโต โพธิสตฺตํ ตถา วิตกฺเกนฺตํ ทิสฺวา "หนฺทสฺส วิตกฺกํ ฉินฺทิสฺสามี"ติ อาคนฺตฺวา ปุรโต ฐิโต

"หีเนน พฺรหฺมจริเยน ขตฺติเย อุปปชฺชติ