ตทา โพธิสตฺโต มหาชเนน ปิตริ จณฺฑาลคามํ ปเวสิเต ทาตพฺพยุตฺตกํ ปริพฺพยํ ทาเปสิ นิวาสนานิ ปารุปนานิ จ, โสปิ นครํ ปวิสิตุํ อลภนฺโต โพธิสตฺเต อุยฺยานกีฬาทิอตฺถํ พหิคเต อุปสงฺกมติ, ปุตฺตสญฺญาย ปน น วนฺทติ, น อญฺชลิกมฺมํ กโรติ, "จิรํ ชีว สามี"ติ วทติ. โพธิสตฺโตปิ ทิฏฺฐทิวเส อติเรกสมฺมานํ กโรติ. โส เอวํ ธมฺเมน รชฺชํ กาเรตฺวา อายุปริโยสาเน สปริโส เทวโลกํ ปูเรสิ. ตทา ขณฺฑหาโล