เอเตน สจฺจวชฺเชน จกฺขุ เม อุปปชฺชถา"ติ ๒- อาห.

ตตฺถ เย มนฺติ เย มํ ยาจิตุมาคจฺฉนฺติ, เตสุปิ อาคเตสุ โย อิมํ นาม เทหีติ วาจํ นิจฺฉาเรนฺโต มํ ยาจเต, โลปิ เม มนโส ปิโย. เอเตนาติ สเจ มยฺหํ สพฺเพปิ ยาจกา ปิยา, สจฺจเมเวตํ มยา วุตฺตํ, เอเตน เม สจฺจวจเนน เอกํ จกฺขุ อุปปชฺชถ อุปฺปชฺชตูติ.

อถสฺส วจนสมนนฺตรเมว ปฐมํ จกฺขุํ อุทปาทิ. ตโต ทุติยสฺส อุปฺปชฺชนตฺถาย:-

"ยํ มํ โส ยาจิตุํ อาคา เทหิ จกฺขุนฺติ พฺราหฺมโณ