เทวี มหนฺเตน ปริหาเรน คพฺภํ ธาเรนฺตี ทสมาเส ปริปุณฺเณ นครํ ทฏฺฐุกามา หุตฺวา รญฺโญ อาโรเจสิ. ราชา เทวนครํ วิย นครํ อลงฺการาเปตฺวา เทวึ รถวรํ อาโรเปตฺวา นครํ ปทกฺขิณํ กาเรสิ. ตสฺสา เวสฺสวีถิยา มชฺฌปฺปตฺตกาเล กมฺมชวาตา จลึสุ. อมจฺจา รญฺโญ อาโรเจสุํ. โส เวสฺสวีถิยํเยวสฺสา สูติฆรํ กาเรตฺวา อารกฺขํ คณฺหาเปสิ. สา ตตฺถ ปุตฺตํ วิชายิ. เตนาห:-

[๗๖] "ทสมาเส ธารยิตฺวาน กโรนฺเต ปุรํ ปทกฺขิณํ

เวสฺสานํ วีถิยา มชฺเฌ ชเนสิ ผุสฺสตี มมํ.