เอวญฺจ ปฐวิกมฺปเน วตฺตมาเน มธุรคมฺภีรเทโว คชฺชนฺโต ขณิกวสฺสํ วสฺสิ. วิชฺชุลตา นิจฺฉรึสุ. มหาสมุทฺเท อุพฺภิชฺชิ. ๓- สกฺโก เทวราชา อปฺโผเฏสิ. มหาพฺรหฺมา สาธุการมทาสิ. ยาว พฺรหฺมโลกา เอกโกลาหลํ อโหสิ. มหาสตฺโต โสฬสวสฺสกาเลเยว สพฺพสิปฺปานํ นิปฺผตฺตึ ปาปุณิ. ตสฺส ปิตา รชฺชํ ทาตุกาโม มาตรา สทฺธึ มนฺเตตฺวา มทฺทราชกุลโต มาตุลธีตรํ มทฺทึ นาม ราชกญฺญํ อาเนตฺวา โสฬสนฺนํ อิตฺถิสหสฺสานํ เชฏฺฐกํ อคฺคมเหสึ กตฺวา มหาสตฺตํ รชฺเช อภิสิญฺจิ. มหาสตฺโต รชฺเช ปติฏฺฐิตกาลโต ปฏฺฐาย เทวสิกํ ฉสตสหสฺสานิ วิสฺสชฺเชตฺวา

[๘๑] "อนฺวทฺธมาเส ปณฺณรเส ปุณฺณมาเส อุโปสเถ

ปจฺจยํ นาคมารุยฺห ทานํ ทาตุํ อุปาคมินฺ"ติ.