ตโต มหาสตฺโต "เอส พาโล มํ นิสฺสาย มา นสฺสี"ติ จินฺเตตฺวา "มหาราช วโธ นาเมส พาลสฺส วา ปณฺฑิตสฺส วา น สาธูหิ ปสํสิโต, อญฺญทตฺถุ ครหิโต เอว, ตสฺมา มา อิมํ ฆาเตหิ, อยํ ยถารุจิ คจฺฉตุ, ยญฺเจว ตสฺส `ทสฺสามี'ติ ตยา ปฏิญฺญาตํ, ตมฺปิ อหาเปตฺวาว เทหี"ติ อาห. "อหญฺจ เต ยํ อิจฺฉิตํ, ตํ กริสฺสามิ, อตฺตานํ ตุยฺหํ ทมฺมี"ติ อาห. เตน วุตฺตํ:-

[๕๘] "ตมหํ อนุรกฺขนฺโต นิมฺมินึ มม อตฺตนา

ติฏฺฐเตโส มหาราช กามกาโร ภวามิ เต"ติ.