มาหํ กาเมหิ สมฺมตฺโต ชราย วสมนฺวคู"ติ ๒- อตฺตโน ปพฺพชฺชาฉนฺทเมว วตฺวา ตํ สุตฺวา สทฺธึ โอโรเธหิ มาตุยา กรุณํ ปริเทวนฺติยา:-

"อุสฺสาโวว ติณคฺคมฺหิ สูริยุคฺคมนํ ปติ

เอวมายุ มนุสฺสานํ มา มํ อมฺม นิวารยา"ติ ๓- อตฺตโน ปพฺพชฺชาการณํ กเถตฺวา นานปฺปการํ เตหิ ยาจิยมาโนปิ อภิสํวฑฺฒมานสํเวคตฺตา อโนสกฺกิตมานโส ปิยตเร มหติ ญาติปริวฏฺเฏ อุฬาเร ราชิสฺสริเย จ นิรเปกฺขจิตฺโต ปพฺพชิ. เตน วุตฺตํ:-

[๓] "ยาจนฺติ มํ ปญฺชลิกา สเนคมา สรฏฺฐกา