อถ นํ มหาสตฺโต โอโลเกตฺวา "มยิ อกเถนฺเต มาตุ โสโก พลวา ภวิสฺสตี"ติ กเถตุกาโม หุตฺวาปิ "สเจ กเถสฺสามิ โสฬส วสฺสานิ กโต วายาโม โมโฆ ภวิสฺสติ, อกเถนฺโต ปนาหํ อตฺตโน จ มาตาปิตูนญฺจ ปจฺจโย ภวิสฺสามี"ติ อธิวาเสสิ. สารถิ "มหาสตฺตํ รถํ อาโรเปตฺวา ปจฺฉิมทฺวาราภิมุขํ รถํ เปเสสฺสามี"ติ ปาจีนทฺวาราภิมุขํ เปเสสิ. รโถ นครา นิกฺขมิตฺวา เทวตานุภาเวน ติโยชนฏฺฐานํ คโต. มหาสตฺโต สุฏฺฐุตรํ ตุฏฺฐจิตฺโต อโหสิ. ตตฺถ วนฆฏํ สารถิสฺส อามกสุสานํ วิย อุปฏฺฐาสิ. โส "อิทํ ฐานํ สุนฺทรนฺ"ติ รถํ โอกฺกมาเปตฺวา มคฺคปสฺเส ฐเปตฺวา รถา โอรุยฺห มหาสตฺตสฺส อาภรณภณฺฑํ โอมุญฺจิตฺวา กตฺวา ฐเปตฺวา กุทฺทาลํ อาทาย อวิทูเร อาวาฏํ ขณิตุํ อารภิ. เตน วุตฺตํ:-

อภิสิญฺจิตฺวา ฉตฺเตน กาเรสุํ ปุรํ ปทกฺขิณํ.

[๖๒] สตฺตาหํ ธารยิตฺวาน อุคฺคเต รวิมณฺฑเล