ทาเนน เม สโม นตฺถิ เอสา เม ทานปารมี"ติ เอวํ อตฺตปริจฺจาคํ กโรนฺตสฺส ทานปารมี ปรมตฺถปารมี นาม ชาตา. อิตเรสุ ปน ยถารหํ ปารมิอุปปารมิโย เวทิตพฺพา.

สีลํ ปูเรตฺวา อเสสโตติ ตถา อนวเสสโต กายิโก สํวโร วาจสิโก สํวโร กายิกวาจสิโก สํวโร อินฺทฺริยสํวโร โภชเน มตฺตญฺญุตา สุวิสุทฺธาชีวตาติ เอวมาทิกํ โพธิสตฺตสีลํ สมฺปาเทนฺเตน สีลปารมิสีลอุปปารมิสีลปรมตฺถปารมิปฺปเภทํ ปูเรตพฺพํ

@๒๗/๑๕๗-๑๖๐/๑๑๖-๗ ๔ องฺ.นวก. ๒๓/๑๐/๓๒๑ สพฺพํ สีลํ ปูเรตฺวา สมฺมเทว สมฺปาเทตฺวา. อิธาปิ สีลวนาคราชกาเล ๑- จมฺเปยฺยนาคราชกาเลติ ๒- เอวมาทีสุ อิธ อาคเตสุ อนาคเตสุ จ มหากปิกาเล ๓- ฉทฺทนฺตกาเลติ ๔- เอวมาทีสุ มหาสตฺตสฺส สีลปารมิยา ปูริตตฺตภาวานํ ปริมาณํ นาม นตฺถิ. เอกนฺเตน ปนสฺส สงฺขปาลกาเล:-