"สูเลหิ วินิวิชฺฌนฺเต ๕- โกฏฺฏยนฺเตปิ สตฺติภิ

โภชปุตฺเต น กุปฺปามิ เอสา เม สีลปารมี"ติ เอวํ อตฺตปริจฺจาคํ กโรนฺตสฺส สีลปารมี ปรมตฺถปารมี นาม ชาตา. อิตเรสุ ปน ยถารหํ ปารมิอุปปารมิโย เวทิตพฺพา.

เนกฺขมฺเม ปารมึ คนฺตฺวาติ ตถา ติวิเธปิ มหาภินิกฺขมเน ปารมึ ปรมุกฺกํสํ คนฺตฺวา ยุธญฺชยกาเล ๖- โสมนสฺสกุมารกาเลติ ๗- เอวมาทีสุ อิธ อาคเตสุ อนาคเตสุ จ หตฺถิปาลกุมารกาเล ๘- มฆเทวกาเลติ ๙- เอวมาทีสุ มหารชฺชํ ปหาย เนกฺขมฺมปารมิยา ปูริตตฺตภาวานํ ปริมาณํ นาม นตฺถิ. เอกนฺเตน ปนสฺส จูฬสุตโสมกาเล:-

"มหารชฺชํ หตฺถคตํ เขฬปิณฺฑํว ฉฑฺฑยึ