"กทายํ ธมฺมเทสนตฺถํ อชฺฌิฏฺโฐ พฺรหฺมุนา ชิโน
กทา กตฺถ จ เกนายํ คาถา หิ สมุทีริตา"ติ อยมฺปิ คาถา วุตฺตตฺถา โหติ. เอวํ อิมินา สมฺพนฺเธน วุตฺตาย ปนสฺสา อนุตฺตานปทวณฺณนํ กริสฺสาม.
ตตฺถ พฺรหฺมาติ พฺรูหิโต เตหิ เตหิ คุณวิเสเสหีติ พฺรหฺมา. อยํ ปน พฺรหฺมสทฺโท มหาพฺรหฺมพฺราหฺมณตถาคตมาตาปิตุเสฏฺฐาทีสุ ทิสฺสติ. ตถา หิ "ทฺวิสหสฺโส พฺรหฺมา"ติอาทีสุ ๓- มหาพฺรหฺมาติ อธิปฺเปโต.
"ตโมนุโท พุทฺโธ สมนฺตจกฺขุ