"อิธ ภิกฺขุ อิมมฺหา กายา อญฺญํ กายํ อภินิมฺมินาติ รูปึ มโนมยํ สพฺพงฺคปจฺจงฺคึ อหีนินฺทฺริยนฺ"ติ ๒- อิมินา นเยน อาคตา อิทฺธิ สรีรสฺเสว อพฺภนฺตเร อญฺญสฺส มโนมยสฺส สรีรสฺส นิปฺผตฺติวเสน ปวตฺตตฺตา มโนมยิทฺธิ นาม. ญาณุปฺปตฺติโต ปุพฺเพ วา ปจฺฉา วา ตงฺขเณ วา เตน อตฺตภาเวน ปฏิลภิตพฺพอรหตฺตญาณานุภาเวน นิพฺพตฺโต วิเสโส ญาณวิปฺผารา อิทฺธิ นาม. อายสฺมโต พากุลสฺส จ อายสฺมโต สงฺกิจฺจสฺส จ ญาณวิปฺผารา อิทฺธิ, เตสํ วตฺถุ เจตฺถ กเถตพฺพํ. สมาธิโต ปุพฺเพ วา ปจฺฉา วา ตงฺขเณ วา สมถานุภาเวน นิพฺพตฺโต วิเสโส สมาธิวิปฺผารา อิทฺธิ นาม.

อายสฺมโต สาริปุตฺตสฺส สมาธิวิปฺผารา อิทฺธิ, ๓- อายสฺมโต สญฺชีวสฺส สมาธิวิปฺผารา อิทฺธิ, ๔- อายสฺมโต ขาณุโกณฺฑญฺญสฺส สมาธิวิปฺผารา อิทฺธิ, ๕-

@๔ ม.มู. ๑๒/๕๐๗/๔๕๑ ๕ ธมฺมปท.อ. ๔/๑๓๕ (สฺยา) อุตฺตราย อุปาสิกาย สมาธิวิปฺผารา อิทฺธิ, ๑- สามาวติยา อุปาสิกาย สมาธิวิปฺผารา อิทฺธีติ ๒- เตสํ วตฺถูเนตฺถ กเถตพฺพานิ, คนฺถวิตฺถารโทสปริหารตฺถํ ปน มยา น วิตฺถาริตานิ.