ตตฺถ รูเปติ อยํ รูปสทฺโท ขนฺธภวนิมิตฺตปจฺจยสรีรวณฺณสณฺฐานาทีสุ ทิสฺสติ. ยถาห "ยงฺกิญฺจิ รูปํ อตีตานาคตปจฺจุปฺปนฺนนฺ"ติ ๑- เอตฺถ รูปกฺขนฺเธ ทิสฺสติ. "รูปูปปตฺติยา มคฺคํ ภาเวตี"ติ ๒- เอตฺถ รูปภเว. "อชฺฌตฺตํ อรูปสญฺญี พหิทฺธา รูปานิ ปสฺสตี"ติ ๓- เอตฺถ กสิณนิมิตฺเต. "สรูปา ภิกฺขเว อุปฺปชฺชนฺติ ปาปกา อกุสลา ธมฺมา โน อรูปา"ติ ๔- เอตฺถ ปจฺจเย. "อากาโส ปริวาริโต รูปนฺเตฺวว สงฺขํ คจฺฉตี"ติ ๕- เอตฺถ สรีเร. "จกฺขุญฺจ ปฏิจฺจ รูเป จ อุปฺปชฺชติ จกฺขุวิญฺญาณนฺ"ติ ๖- เอตฺถ วณฺณ. "รูปปฺปมาโณ รูปปฺปสนฺโน"ติ ๗- เอตฺถ สณฺฐาเน. อิธาปิ สณฺฐาเน ทฏฺฐพฺโพ ๘- สีเลติ จตุพฺพิเธ สีเล. สมาธิมฺหีติ ติวิเธปิ สมาธิมฺหิ.
@ม.อุ. ๑๔/๘๖, ๘๙/๖๘,๗๐, อภิ.วิ. ๓๕/๒/๑
@๒ อภิ.สงฺ. ๓๔/๑๖๐-๒๗๒/๕๐-๘๒. อภิ.วิ. ๓๕/๓๔๗-๘/๒๒๔-๕