ตตฺถ เอวนฺติ วุตฺตปฺปการนิทสฺสเน นิปาโต. สพฺพคุณูเปตนฺติ เอตฺถ สพฺโพติ อยํ นิรวเสสวาจี. คุโณติ อยํ คุณสทฺโท อเนเกสุ อตฺเถสุ ทิสฺสติ. ตถาเหส "อนุชานามิ ภิกฺขเว อหตานํ วตฺถานํ ทิคุณํ สงฺฆาฏินฺ"ติ ๑- เอตฺถ ปฏลตฺเถ ทิสฺสติ. "อจฺเจนฺติ กาลา ตรยนฺติ รตฺติโย, วโยคุณา อนุปุพฺพํ ชหนฺตี"ติ ๒- เอตฺถ ราสตฺเถ. "สตคุณา ทกฺขิณา ปาฏิกงฺขิตพฺพา"ติ ๓- เอตฺถ อานิสํสตฺเถ. "อนฺตํ อนฺตคุณํ " ๔- "กยิรา มาลาคุเณ พหู"ติ ๕- เอตฺถ พนฺธนตฺเถ "อฏฺฐงฺคุณเสมุเปตํ, อภิญฺญาพลมาหรินฺ"ติ ๖- เอตฺถ สมฺปตฺติอตฺเถ. อิธาปิ สมฺปตฺติอตฺเถ ทฏฺฐพฺโพ. ๗- ตสฺมา สพฺเพหิ โลกิยโลกุตฺตเรหิ คุเณหิ สพฺพ- สมฺปตฺตีหิ อุเปตํ สมนฺนาคตนฺติ อตฺโถ. สพฺพงฺคสมุปาคตนฺติ สพฺเพหิ พุทฺธคุเณหิ คุณงฺเคหิ วา สมุปาคตํ สมนฺนาคตํ. มหามุนินฺติ อญฺเญหิ ปจฺเจกพุทฺธาทีหิ มุนีหิ อธิกภาวโต มหนฺโต มุนีติ วุจฺจติ มหามุนิ. การุณิกนฺติ กรุณาคุณโยคโต

@๔ ที.มหา. ๑๐/๓๗๗/๒๕๑, ม.มู. ๑๒/๑๑๐, ๓๐๒/๗๙, ๒๖๓,

@ม.ม. ๑๓/๑๑๔/๙๒, ม.อุ. ๑๔/๑๕๔, ๓๔๙/๑๓๘, ๓๐๗, ขุ.ขุ. ๒๕/๓/๒