นมสฺสนญฺจ ปูชญฺจ สพฺพํ อรหสี ตุวํ.

[๔๒] เย เกจิ โลเก วนฺทเนยฺยา วนฺทนํ อรหนฺติ เย

สพฺพเสฏฺโฐ มหาวีร สทิโส เต น วิชฺชตี"ติ วุตฺตํ.

ตตฺถ อภิวาทนนฺติ อญฺเญหิ อตฺตโน อภิวาทนการาปนํ. โถมนนฺติ ปรมฺมุขโต ถุติ. วนฺทนนฺติ ปณามนํ. ปสํสนนฺติ สมฺมุขโต ปสํสนํ. นมสฺสนนฺติ อญฺชลิกรณํ. มนสา นมสฺสนํ วา. ปูชนนฺติ มาลาคนฺธวิเลปนาทีหิ ปูชนญฺจ. สพฺพนฺติ สพฺพมฺปิ ตํ ๑- วุตฺตปฺปการํ สกฺการวิเสสํ ตฺวํ อรหสิ ยุตฺโตติ อตฺโถ. เย เกจิ โลเก วนฺทเนยฺยาติ เย เกจิ โลเก วนฺทิตพฺพา วนฺทนียา วนฺทนํ อรหนฺติ. เยติ เย ปน โลเก วนฺทนํ อรหนฺติ. อิทํ ปน ปุริมปทสฺเสว เววจนํ. สพฺพเสฏฺโฐติ สพฺเพสํ เตสํ เสฏฺโฐ อุตฺตโม, ตฺวํ มหาวีร สทิโส เต โลเก โกจิ น วิชฺชตีติ อตฺโถ.