@๒ ม.อุ. ๑๔/๘๖/๖๗ ๓ ที.ปา. ๑๑/๓๔๙/๒๔๐

@๔ ขุ.ชา. ๒๘/๕๐/๒๐ (สฺยา) ๕ สุ.วิ. ๑/๑๘๙/๑๕๔-๕, ป.สู. ๑/๑/๒๐, สา.ป. ๒/๘ ปญฺจหิ ภิกฺขุสเตหิ. มหาคณีติ สีลาทีหิ จ สงฺขฺยาวเสน จ มหนฺโต คโณ อสฺส อตฺถีติ มหาคณี, นานาปทวเสน วา สีลาทีหิ คุเณหิ มหนฺโต คโณติ มหาคโณ, มหาคโณ อสฺส อตฺถีติ มหาคณี. ลฬนฺโต เทโวว คคเนติ อิทฺธิวิลาเสน วิลาเสนฺโต เทโว วิย คคนตเล ภควนฺตํ อุปสงฺกมีติ อตฺโถ.

[๕๒] อิทานิ "เต อิตฺถมฺภูตา อุปสงฺกมึสู"ติ อุปสงฺกมวิธานทสฺสนตฺถํ "อุกฺกาสิตญฺจ ขิปิตนฺ"ติอาทิ ๑- อารทฺธํ. ตตฺถ อุกฺกาสิตญฺจาติ อุกฺกาสิต- สทฺทญฺจ. ขิปิตนฺติ ขิปิตสทฺทญฺจ อชฺฌุเปกฺขิยาติ อุเปกฺขิตฺวา, ตํ อุภยํ อกตฺวาติ อธิปฺปโย. สุพฺพตาติ สุวิมลธุตคุณา. สปฺปติสฺสาติ สหปติสฺสยา, นีจวุตฺติโนติ อตฺโถ.