@๔ องฺ.จตุกฺก. ๒๑/๓๔/๓๙ ๕ วิ.จูฬ. ๗/๓๑๘/๘๙, สุ.วิ. ๑/๒๕๐/๒๑๒

@๖ องฺ.จตุกฺก. ๒๑/๓๔/๓๙, สุ.วิ. ๑/๒๕๐/๒๑๒ ๗ สุ.วิ. ๑/๒๕๐/๒๑๒

@๘ สํ.นิ. ๑๖/๑๔๖/๑๙๐

[๖๐] ทิพฺพจกฺขูนนฺติ ทิพฺพํ จกฺขุ เยสํ อตฺถิ เต ทิพฺพจกฺขู, เตสํ ทิพฺพจกฺขูนํ ภิกฺขูนํ อคฺโค เสฏฺโฐติ อตฺโถ. ยถาห "เอทคฺคํ ภิกฺขเว มม สาวกานํ ภิกฺขูนํ ทิพฺพจกฺขุกานํ ยทิทํ อนุรุทฺโธ"ติ. ๑- อนุรุทฺธตฺเถโร ภควโต จูฬปิตุโน อมิโตทนสฺส นาม สกฺกสฺส ปุตฺโต มหานามสฺส กนิฏฺฐภาตา มหาปุญฺโญ ปรมสุขุมาโล, โส อตฺตสตฺตโม นิกฺขมิตฺวา อคารสฺมา อนคาริยํ ปพฺพชิโต, ตสฺส ปพฺพชฺชานุกฺกโม สํฆเภทกกฺขนฺธเก ๒- อาคโตว, อวิทูเรวาติ ภควโต สนฺติเกเยว.