สตฺถาปิ ตํทิวสํ ปจฺจูสกาเล โลกํ โวโลเกนฺโต มหากปฺปินราชานํ สปริวารํ ทิสฺวา "อยํ มหากปฺปิโน วาณิชกานํ สนฺติกา ติณฺณํ รตนานํ อุปฺปนฺนภาวํ สุตฺวา เตสํ วจนํ ตีหิ สตสหสฺเสหิ ปูเชตฺวา รชฺชํ ปหาย อมจฺจสหสฺสปริวุโต มํ อุทฺทิสฺส ปพฺพชิตุกาโม เสฺว รชฺชํ ปหาย อมจฺจสหสฺส- ปริวุโต มํ อุทฺทิสฺส ปพฺพชิตุกาโม เสฺว นิกฺขมิสฺสติ, โส สปริวาโร สห ปฏิสมฺภิทาหิ อรหตฺตํ ปาปุณิสฺสติ, ปจฺจุคฺคมนํ กริสฺสามี"ติ ปุนทิวเส จกฺกวตฺตี วิย ขุทฺทกคามโภชกํ ราชานํ ปจฺจุคฺคจฺฉนฺโต สยเมว ปตฺตจีวรมาทาย วีสโยชนสตํ มคฺคํ ปจฺจุคฺคนฺตฺวา จนฺทภาคาย นทิยา ตีเร นิโคฺรธรุกฺขมูเล ฉพฺพณฺณพุทฺธรํสิโย วิสฺสชฺเชตฺวา นิสีทิ. ราชาปิ อาคจฺฉนฺโต เอกํ นทึ ปตฺวา "กา นามายนฺ"ติ ปุจฺฉิ. อปรจฺฉา นาม ๒- เทวาติ. กิมสฺสา ปริมาณํ ตาตาติ. คมฺภีรโต คาวุตํ, ปุถุลโต เทฺว คาวุตานิ เทวาติ. อตฺถิ ปเนตฺถ นาวา วา อุฬุมฺโป วาติ. นตฺถิ เทวาติ. "นาวาทีนิ โอโลเกนฺเต ๓- อเมฺห ชาติ ชรํ อุปเนติ, ชรา มรณํ. อหํ นิพฺเพมติโก หุตฺวา ตีณิ รตนานิ

โส ตํ อุตฺตริตฺวา ปุรโต คจฺฉนฺโต อปรมฺปิ นทึ ทิสฺวา "อยํ กา นามา"ติ ปุจฺฉิ. นีลวาหา ๒- นาม เทวาติ. กิมสฺสา ปริมาณนฺติ, คมฺภีรโตปิ ปุถุลโตปิ อฑฺฒโยชนํ เทวาติ. เสสํ ปุริมสทิสเมว. ตํ ปน นทึ ทิสฺวา "สฺวากฺขาโต ภควตา ธมฺโม"ติ ธมฺมานุสฺสตึ อนุสฺสรนฺโต ปกฺขนฺทิ. ตมฺปิ อติกฺกมิตฺวา คจฺฉนฺโต อปรมฺปิ นทึ ทิสฺวา "อยํ กา นามา"ติ ปุจฺฉิ. จนฺทภาคา นาม เทวาติ. กิมสฺสา ปริมาณนฺติ. คมฺภีรโตปิ ปุถุลโตปิ โยชนํ เทวาติ. เสสํ ปุริมสทิสเมว. ตํ ปน นทึ ทิสฺวา "สุปฺปฏิปนฺโน ภควโต สาวกสํโฆ"ติ สํฆานุสฺสตึ อนุสฺสรนฺโต ปกฺขนฺทิ. ตมฺปิ นทึ อติกฺกมิตฺวา คจฺฉนฺโต สตฺถุ สรีรโต นิกฺขนฺตา ฉพฺพณฺณพุทฺธรสฺมิโย นิโคฺรธรุกฺขสฺส สาขาวิฏปปลาสานิ โอภาสยมานา ทิสฺวา จินฺเตสิ "อยํ โอภาโส เนว จนฺทสฺส, น สูริยสฺส, น เทวมารพฺรหฺม ๓- สุปณฺณนาคานํ อญฺญตรสฺส, อทฺธา อหํ สตฺถารํ อุทฺทิสฺส อาคจฺฉนฺโต สมฺมาสมฺพุทฺเธน ทิฏฺโฐ ภวิสฺสามี"ติ. โส ตาวเทว อสฺสปิฏฺฐิโต โอตริตฺวา โอนตสรีโร รสฺมิยานุสาเรน สตฺถารํ อุปสงฺกมิตฺวา มโนสิลารเส นิมุชฺชนฺโต วิย พุทฺธรสฺมีนํ อนฺโต ปาวิสิ. โส สตฺถารํ วนฺทิตฺวา เอกมนฺตํ นิสีทิ สทฺธึ อมจฺจสหสฺเสน. สตฺถา เตสํ อนุปุพฺพึ กถํ กเถสิ. เทสนาปริโยสาเน สปริวาโร ราชา โสตาปตฺติผเล ปติฏฺฐหิ.