ภณฺฑจฺเฉทภยํ ทิสฺวา ฉฑฺฑยิตฺวาน คจฺฉติ.

[๒๖] เอวเมว อยํ กาโย มหาโจรสโม วิย

ปหายิมํ คมิสฺสามิ กุสลจฺเฉทนาภยา"ติ.

ตตฺถ ยถาปิ กุณปํ ปุริโสติ ยถาปิ ทหโร ยุวา มณฺฑนกชาติโก ปุริโส อหิกุณเปน วา กุกฺกุรกุณเปน วา มนุสฺสกุณเปน วา กณฺเฐ อาสตฺเตน อฏฺฏียิตฺวา หรายิตฺวา ชิคุจฺฉิตฺวา ตํ กุณปํ โมเจตฺวา คจฺเฉยฺย. สุขีติ สุขิโต. เสรีติ ยถิจฺฉกวิหารี. นานากุณปสญฺจยนฺติ อเนกวิธกุณปราสิภูตํ. "นานากุณปปูริตนฺ"ติปิ ปาโฐ.