เอวํ สเทวกา โลกา โอสรนฺตุ ตวนฺติเก.

[๑๘๗] เตหิ ถุตปฺปสตฺโถ โส ทส ธมฺเม สมาทิย

เต ธมฺเม ปริปูเรนฺโต ปวนํ ปาวิสี ตทา"ติ.

ตตฺถ ทิพฺพนฺติ มนฺทรวปาริจฺฉตฺตกสนฺตานกุเสสยาทิกํ ทิพฺพกุสุมํ เทวา มานุสกา จ มานุสปุปฺผํ คเหตฺวาติ อตฺโถ. สโมกิรนฺตีติ มโมปริ สโมกิรึสูติ อตฺโถ. วุฏฺฐหนฺตสฺสาติ วุฏฺฐหโต. เวทยนฺตีติ นิเวทยึสุ สญฺญาเปสุํ. โสตฺถินฺติ โสตฺถิภาวํ. อิทานิ เวทยิตาการทสฺสนตฺถํ "มหนฺตํ ปตฺถิตํ ตุยฺหนฺ"ติอาทิ วุตฺตํ. ตยา ปน สุเมธปณฺฑิต มหนฺตํ ฐานํ ปตฺถิตํ, ตํ ยถาปตฺถิตํ ลภสฺสูติ อตฺโถ.