ตตฺถ ตโต ปรมฺปีติ ตโต อปรภาเคปิ. เทเสนฺเตติ ภควติ ธมฺมํ เทเสนฺเต. นรมรูนนฺติ นรานญฺเจว อมรานญฺจ, ยทา ปน ภควา คคนตเล ติตฺถิยมานมทฺทนํ ยมกปาฏิหาริยํ กโรนฺโต ธมฺมํ เทเสสิ, ตทา อสีติโกฏิ- สหสฺสานิ อรหตฺตํ ปาปุณึสุ. ตีสุ ผเลสุ ปติฏฺฐิตา คณนปถํ วีติวตฺตา. เตน วุตฺตํ:-

[๖] "ติตฺถิเย อภิมทฺทนฺโต ยทา ธมฺมมเทสยิ

อสีติโกฏิสหสฺสานํ ตติยาภิสมโย อหู"ติ.

ตตฺถ ตทาสทฺทํ อาเนตฺวา อตฺโถ ทฏฺฐพฺโพ. ยทา ภควา ธมฺมํ เทเสสิ. ตทา อสีติโกฏิสหสฺสานํ ธมฺมาภิสมโย อหูติ.