ตทา อมฺหากํ โพธิสตฺโต เอโก มเหสกฺโข ยกฺขเสนาปติ อโหสิ มหิทฺธิโก มหานุภาโว อเนกโกฏิสตสหสฺสานํ ยกฺขานํ อธิปติ. โส "พุทฺโธ โลเก อุปฺปนฺโน"ติ สุตฺวา อาคนฺตฺวา ปรมรุจิรทสฺสนํ สตฺตรตนมยํ อภิรุจิรรชนิกรมณฺฑลสทิสํ มณฺฑปํ นิมฺมินิตฺวา ตตฺถ สตฺตาหํ มหาทานํ พุทฺธปฺปมุขสฺส สํฆสฺส อทาสิ. อถ นํ ภควา ภตฺตานุโมทนสมเย ๖- "อนาคเต กปฺปสตสหสฺสาธิเก เอกสฺมึ อสงฺเขฺยยฺเย อติกฺกนฺเต โคตโม นาม พุทฺโธ ภวิสฺสตี"ติ พฺยากาสิ. เตน วุตฺตํ:-

[๑๒] "อหนฺเตน สมเยน ยกฺโข อาสึ มหิทฺธิโก

เนกานํ ยกฺขโกฏีนํ วสวตฺติมฺหิ อิสฺสโร.

[๑๓] ตทาปิ ตํ พุทฺธวรํ อุปคนฺตฺวา มเหสินํ