[๖] อาหเต อมตเภริมฺหิ วสฺสนฺเต ธมฺมวุฏฺฐิยา

ปญฺญาสสตสหสฺสานํ ตติยาภิสมโย อหู"ติ.

ตตฺถ อานนฺทํ อุปสงฺกมีติ ปิตรํ อานนฺทราชานํ สนฺธาย วุตฺตํ. อาหนีติ อภิหนิ. อาหเตติ อาหตาย. อมตเภริมฺหีติ อมตเภริยา, ลิงฺควิปลฺลาโส ทฏฺฐพฺโพ. "อาเสวิเต"ติปิ ปาโฐ, ตสฺส อาเสวิตายาติ อตฺโถ. วสฺสนฺเต ธมฺมวุฏฺฐิยาติ ธมฺมวสฺสํ วสฺสนฺเตติ อตฺโถ. อิทานิ อภิสมยกรณูปายํ ทสฺเสนฺโต:-

[๗] "โอวาทโก วิญฺญาปโก ตารโก สพฺพปาณินํ