[๑๐๐] เวสารชฺเชหิ สมฺปนฺโนติ:-

"อนฺตราเย จ นิยฺยาเน พุทฺธตฺเต อาสวกฺขเย

เอเตสุ จตุฏฺฐาเนสุ พุทฺโธ สุฏฺฐุ วิสารโท"ติ เอวํ วุตฺตจตุเวสารชฺชญาเณหิ สมฺปนฺโน สมงฺคีภูโต สมนฺนาคโตติ อตฺโถ.

[๑๐๕] วาคีโส วาทิสูทโนติ วาทีนํ ปณฺฑิตชนานํ อีโส ปธาโน "วาทีโส"ติ วตฺตพฺเพ ทการสฺส คการํ กตฺวา เอวํ วุตฺตนฺติ ทฏฺฐพฺพํ. สกตฺถปรตฺถวาทํ สูทติ ปคฺฆราเปติ ปากฏํ กโรตีติ วาทิสูทโน.