อภิญฺญาปารมึ คนฺตฺวา ๔- พฺรหฺมโลกมคญฺฉหนฺ"ติ.

@๓ ปาฬิยํ ชเน อหนฺติ ทิสฺสติ ๔ ปาฬิ. ปตฺวา

ตตฺถ จตุทีปมฺหีติ สปริวารทีปานํ จตุนฺนํ มหาทีปานนฺติ อตฺโถ. อนฺตลิกฺขจโรติ จกฺกรตนํ ปุรกฺขตฺวา อากาสจโร. รตเน สตฺตาติ หตฺถิรตนาทีนิ สตฺต รตนานิ. อุตฺตเมติ อุตฺตมานิ. อถ วา อุตฺตเม พุทฺเธติ อตฺโถ ทฏฺฐพฺโพ. นิยฺยาตยิตฺวานาติ ทตฺวาน. อุฏฺฐานนฺติ รฏฺฐุปฺปาทํ, อายนฺติ อตฺโถ. ปฏิปิณฺฑิยาติ ราสึ กตฺวา สงฺกฑฺฒิตฺวา. ปจฺจยนฺติ จีวราทิวิวิธํ ปจฺจยํ. ทสสหสฺสิมฺหิ อิสฺสโรติ ทสสหสฺสิโลกธาตุยํ อิสฺสโร, ตเทตํ ชาติกฺเขตฺตํ สนฺธาย วุตฺตนฺติ เวทิตพฺพํ. อนนฺตานํ โลกธาตูนํ อิสฺสโร ภควา. ตึสกปฺปสหสฺสมฺหีติ อิโต ปฏฺฐาย ตึสกปฺปสหสฺสานํ มตฺถเกติ อตฺโถ.