อปฺปมาโณติ ปมาณรหิโต, ปมาณํ คเหตุํ อสกฺกุเณยฺยตฺตา วา อปฺปมาโณ. อตุลิโยติ อตุโล, เกนจิ อสทิโสติ อตฺโถ. โอปมฺเมหีติ อุปมิตพฺเพหิ. อนูปโมติ อุปมารหิโต, "อิมินา จ อิมินา จ สทิโส"ติ วตฺตุํ อสกฺกุเณยฺยภาวโต อนูปโมติ อตฺโถ. คุณานิ จ ตานีติ คุณา เจ เต, สพฺพญฺญุตญฺญาณาทโย คุณาติ อตฺโถ. ลิงฺควิปลฺลาเสน วุตฺตํ. เสสํ สพฺพตฺถ อุตฺตานตฺถเมวาติ.
สุชาตพุทฺธวํสวณฺณนา นิฏฺฐิตา.
นิฏฺฐิโต ทฺวาทสโม พุทฺธวํโส.