Tadā amhākaṃ bodhisatto kassapo nāma brāhmaṇamāṇavo itihāsapañcamānaṃ tiṇṇaṃ vedānaṃ pāragū hutvā satthu dhammadesanaṃ sutvā koṭisatasahassaparicāgena paramārāmaṃ saṃghārāmaṃ kāretvā saraṇesu ca pañcasīlesu ca patiṭṭhāsi. Atha naṃ satthā "ito aṭṭhārasakappasataccayena gotamo nāma buddho loke bhavissatī"ti byākāsi. Tena vuttaṃ:-

[9] "ahantena samayena kassapo nāma brāhmaṇo

ajjhāyako mantadharo tiṇṇaṃ vedāna pāragū.

[10] Tassa dhammaṃ suṇitvāna pasādaṃ janayiṃ ahaṃ