"nibbutā nūna sā mātā nibbuto nūna so pitā

nibbutā nūna sā nārī yassāyaṃ īdiso patī"ti imaṃ udānaṃ udānesi.

Bodhisatto taṃ sutvā cintesi "ayaṃ me sussavanaṃ vacanaṃ sāvesi, ahaṃ hi nibbānaṃ gavesanto vicarāmi, ajjeva mayā gharāvāsaṃ chaḍḍetvā nikkhamma pabbajitvā nibbānaṃ gavesituṃ vaṭṭatī"ti. "ayaṃ imissā ācariyabhāgo hotū"ti muttāhāraṃ kaṇṭhato omuñcitvā kisāgotamiyā satasahassagghanikaṃ paramaratikaraṃ muttāhāraṃ pesesi. Sā "siddhatthakumāro mayi paṭibaddhahadayo hutvā paṇṇākāraṃ pesesī"ti somanassajātā ahosi.