Atha mahāsatto "hiyyo me dvepi dārakā brāhmaṇassa dinnā, ahampi araññe ekakova, kathaṃ te maddiṃ sīlavantiṃ patibbataṃ dassāmī"ti avatvāva pasāritahatthe anaggharatanaṃ ṭhapento asajjitvā abajjhitvā anolīnamānaso "ajja me dānapāramī matthakaṃ pāpuṇissatī"ti haṭṭhatuṭṭho giriṃ unnādento viya:-

"dadāmi na vikampāmi yaṃ maṃ yācasi brāhmaṇa

santaṃ nappaṭigūhāmi dāne me ramatī mano"ti