Upāgate pana mahāsatte vikasitapuṇḍarīkapadumasassirikamassa mukhaṃ disvā "ayaṃ vigatamaraṇabhayo hutvā āgato, kissa nu kho esa ānubhāvo"ti cintetvā "tassa maññe dhammassa sutattā ayaṃ evaṃ tejavā nibbhayo ca jāto, ahampi taṃ sutvā tejavā nibbhayo ca bhavissāmī"ti sanniṭṭhānaṃ katvā porisādo mahāsattaṃ āha "suṇoma satārahagāthāyo yāsaṃ savanatthaṃ tvaṃ attano nagaraṃ gato"ti.

Taṃ sutvā bodhisatto "ayaṃ porisādo pāpadhammo, imaṃ thokaṃ niggahetvā lajjāpetvā kathessāmī"ti:-