aññadatthudaso vasavattī, tasmā' tathāgato'ti vuccatī"ti.

Tatrevaṃ padasiddhi veditabbā:- agado viya agado. Ko panesa? desanāvilāso ceva puññussayo ca. Tena hesa mahānubhāvo bhisakko dibbāgadena sappe viya sabbaparappavādino sadevakañca lokaṃ abhibhavati, iti sabbalokābhibhavanato aviparīto desanāvilāso ceva puññussayo ca agado assāti dakārassa takāraṃ katvā "tathāgato"ti veditabbo. Evaṃ abhibhavanaṭṭhena tathāgato.

Tatho aviparīto ca agado yassa satthuno

vasavattīti so tena hoti satthā tathāgato. (8)