[77] Dasa pāramī mahāvīra kīdisī lokanāyaka

kathaṃ upapāramī puṇṇā paramatthapāramī kathan"ti āha.

Tattha dānapāramiyaṃ tāva bāhirabhaṇḍapariccāgo pāramī nāma, aṅgapariccāgo upapāramī nāma. Jīvitapariccāgo paramatthapāramī nāmāti. Esa nayo sesapāramīsupi. Evaṃ dasa pāramiyo dasa upapāramiyo dasa paramatthapāramiyoti samattiṃsa pāramiyo honti. Tattha bodhisattassa dānapāramitāya pūritattabhāvānaṃ parimāṇaṃ nāma natthi. Ekantena panassa sasapaṇḍitajātake:-

"bhikkhāya upagataṃ disvā sakattānaṃ pariccajiṃ