na kampati bhusavātehi sakaṭṭhāneva tiṭṭhati.

[154] Tatheva tvaṃ adhiṭṭhāne sabbadā acalo bhava

adhiṭṭhānapāramitaṃ gantvā sambodhiṃ pāpuṇissasī"ti.

Tattha seloti silāmayo. Acaloti niccalo. Suppatiṭṭhitoti acalattāva suṭṭhu patiṭṭhito. "yathāpi pabbato acalo, nikhāto suppatiṭṭhito"tipi pāṭho. Bhusavātehīti balavavātehi. Sakaṭṭhānevāti attano ṭhāneyeva, yathāṭhitaṭṭhāneyevāti attho. Sesametthāpi uttānamevāti.