@6 viññeyyaṃ, ānisaṃsakathāmukhaṃ (syā) visuddhi. 1/11-12 (syā) Kathesi. Evaṃ saggakathāya palobhetvā puna "ayampi saggo anicco adhuvo na tattha chandarāgo kātabbo"ti kāmānaṃ ādīnavaṃ okāraṃ saṅkilesaṃ nekkhamme ānisaṃsañca pakāsetvā amatapariyosānaṃ dhammakathaṃ kathesi. Evaṃ tassa mahājanassa dhammaṃ desetvā ekacce saraṇesu ca ekacce pañcasīlesu ca ekacce sotāpattiphale ca ekacce sakadāgāmiphale ekacce anāgāmiphale ekacce catūsupi phalesu ekacce tīsu vijjāsu ekacce chasu abhiññāsu ekacce aṭṭhasu samāpattīsu patiṭṭhāpetvā uṭṭhāyāsanā rammanagarato nikkhamitvā sudassanamahāvihārameva pāvisi. Tena vuttaṃ:-

[1] "tadā te bhojayitvāna sasaṃghaṃ lokanāyakaṃ

upagacchuṃ saraṇaṃ tassa dīpaṅkarassa satthuno.

[2] Saraṇāgamane kañci niveseti tathāgato