"gāme vā yadi vāraññe ninne vā yadi vā thale

yattha arahanto viharanti taṃ bhūmirāmaṇeyyakan"ti.

Aparabhāge bhagavā ariyagaṇamajjhe nisinno theraṃ "etadaggaṃ bhikkhave mama sāvakānaṃ bhikkhūnaṃ lābhīnaṃ yadidaṃ sīvalī"ti etadagge ṭhapesi.

[54] Athāyasmā sīvalitthero arahattaṃ patvā pattaetadaggaṭṭhāno attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Anuttānatthapadavaṇṇanameva karissāma.