[14] Tassāpi vacanaṃ sutvā uttariṃ vatamadhiṭṭhahiṃ

akāsiṃ uggadaḷhaṃ dhitiṃ dasapāramipūriyā"ti.

Tattha sambuddhappamukhaṃ saṃghanti buddhappamukhassa saṃghassa, sāmiatthe upayogavacanaṃ. Sabhattaṃ dussamadāsahanti sacīvaraṃ bhattaṃ adāsiṃ ahanti attho. Uggadaḷhanti atidaḷhaṃ. Dhitinti vīriyaṃ akāsinti attho.

Padumuttarassa pana bhagavato kāle titthiyā nāma nāhesuṃ. Sabbe devamanussā buddhameva saraṇamagamaṃsu. Tena vuttaṃ:-