[๖๔] |๖๔.๔๖| วิปสฺสิโน ภควโต โพธิยา ปาทปุตฺตเม สุมโน พีชนึ คยฺห อวีชึ โพธิมุตฺตมํ ฯ |๖๔.๔๗| เอกนวุเต อิโต กปฺเป อวีชึ โพธิมุตฺตมํ ทุคฺคตึ นาภิชานามิ พีชนาย อิทํ ผลํ ฯ |๖๔.๔๘| กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ |๖๔.๔๙| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๖๔.๕๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สุมนวีชนิโย เถโร อิมา คาถาโย อภาสิตฺถาติ ฯ สุมนวีชนิยตฺเถรสฺส อปทานํ สมตฺตํ ฯ