TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ Dutiyaṃ citakapūjakattherāpadānaṃ (462)

[52] |52.6| Jhāyamānassa bhagavato sikhino lokabandhuno aṭṭha campakapupphāni citakaṃ abhiropayiṃ. |52.7| Ekatiṃse ito kappe yaṃ pupphaṃ abhiropayiṃ Duggatiṃ nābhijānāmi buddhapūjāyidaṃ 1- phalaṃ. |52.8| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |52.9| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |52.10| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā citakapūjako thero imā gāthāyo abhāsitthāti. Citakapūjakattherassa apadānaṃ samattaṃ.