TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ Catutthaṃ sumanavījaniyattherāpadānaṃ (474)

[64] |64.46| Vipassino bhagavato bodhiyā pādaputtame sumano bījaniṃ gayha avījiṃ bodhimuttamaṃ. |64.47| Ekanavute ito kappe avījiṃ bodhimuttamaṃ duggatiṃ nābhijānāmi bījanāya idaṃ phalaṃ. |64.48| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |64.49| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |64.50| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā sumanavījaniyo thero imā gāthāyo abhāsitthāti. Sumanavījaniyattherassa apadānaṃ samattaṃ.