กามาวจรกุสลวณฺณนา

กามาวจรกุสลปทภาชนียวณฺณนา

[๑] อิทานิ ยถานิกฺขิตฺตาย มาติกาย สงฺคหิเต ธมฺเม ปเภทโต ทสฺเสตุํ "กตเม ธมฺมา กุสลา"ติ อิทํ ปทภาชนียํ อารทฺธํ. ตตฺถ ยเทตํ "ยสฺมึ สมเย กามาวจรํ กุสลํ จิตฺตํ อุปฺปนฺนํ โหตี"ติ ปฐมํ กามาวจรํ กุสลํ ทสฺสิตํ, ตสฺส ตาว นิทฺเทเส ธมฺมววฏฺฐานวาโร สงฺคหวาโร สุญฺญตวาโรติ ตโย มหาวารา โหนฺติ. เตสุ ธมฺมววฏฺฐานวาโร อุทฺเทสนิทฺเทสวเสน ทฺวิธา ฐิโต, เตสุ อุทฺเทสวารสฺส

เปฯ ตสฺมึ สมเยติ อยํ สมยนิทฺเทโส นาม. ผสฺโส โหติ ฯเปฯ อวิกฺเขโป โหตีติ อยํ ธมฺมุทฺเทโส นาม. เย วา ปน ตสฺมึ สมเย อญฺเญปิ อตฺถิ ปฏิจฺจสมุปฺปนฺนา อรูปิโน ธมฺมา, อิเม ธมฺมา กุสลาติ อยํ อปฺปนา นาม.