@๖ ก. สจฺฉิกตฺถปรมตฺเถนาติ. เอวมุปริปิ, ฉ.ม. สจฺจิกฏฺฐปรมตฺเถนาติ. เอวมุปริปิ อามนฺตา. โย สจฺฉิกฏฺโฐ ปรมฏฺโฐ ตโต โส ปุคฺคโล นูปลพฺภติ สจฺฉิกฏฺฐปรมฏฺเฐนาติ? น เหวํ วตฺตพฺเพ. อาชานาหิ นิคฺคหํ ฯเปฯ ปฏิกมฺมํ. สพฺพตฺถ ปุคฺคโล อุปลพฺภติ สจฺฉิกฏฺฐปรมฏฺเฐนาติ? อามนฺตา. โย สจฺฉิกฏฺโฐ ปรมฏฺโฐ ตโต โส ปุคฺคโล สพฺพตฺถ อุปลพฺภติ สจฺฉิกฏฺฐปรมฏฺเฐนาติ? น เหวํ วตฺตพฺเพ. อาชานาหิ ปฏิกมฺมํ. สพฺพทา ปุคฺคโล อุปลพฺภติ สพฺพทา ปุคฺคโล นูปลพฺภติ สพฺเพสุ ปุคฺคโล อุปลพฺภติ สพฺเพสุ ปุคฺคโล นูปลพฺภติ สจฺฉิกฏฺฐปรมฏฺเฐนาติ? อามนฺตา. โย สจฺฉิกฏฺโฐ ปรมฏฺโฐ ตโต โส ปุคฺคโล นูปลพฺภติ สจฺฉิกฏฺฐปรมฏฺเฐนาติ? น เหวํ วตฺตพฺเพ. อาชานาหิ ปฏิกมฺมนฺ"ติ ๑- เอวํ ปฐมํ วาทํ นิสฺสาย ปฐมํ นิคฺคหํ ทุติยํ นิสฺสาย ทุติยํ นิคฺคหํ ฯเปฯ อฏฺฐมํ นิสฺสาย อฏฺฐมํ นิคฺคหํ ทสฺเสนฺเตน สตฺถารา ฐปิตา. อิมินา นเยน สพฺพตฺถ มาติกาฐปนํ เวทิตพฺพํ. ตํ ปเนตํ มาติกํ ฐเปนฺโต อิทํ ทิสฺวาว ฐเปสิ:- "มม ปรินิพฺพานโต อฏฺฐารสวสฺสาธิกานํ ทฺวินฺนํ วสฺสสตานํ มตฺถเก โมคฺคลฺลิปุตฺตติสฺสตฺเถโร นาม ภิกฺขุ ภิกฺขุสหสฺสมชฺเฌ นิสินฺโน สกวาเท ปญฺจ สุตฺตสตานิ ปรวาเท ปญฺจาติ สุตฺตสหสฺสํ สโมธาเนตฺวา ทีฆนิกายปฺปมาณํ กถาวตฺถุปฺปกรณํ ภาเชสฺสตี"ติ.

โมคฺคลลิปุตฺตติสฺสตฺเถโรปิ อิมํ ปกรณํ เทเสนฺโต น อตฺตโน ญาเณน เทเสสิ, สตฺถารา ปน ทินฺนนเยน ฐปิตมาติกาย เทเสสิ. อิติ สตฺถารา ทินฺนนเยน ฐปิตมาติกาย เทสิตตฺตา สกลมฺเปตํ ปกรณํ พุทฺธภาสิตเมว นาม ชาตํ. ยถา กึ? ยถา มธุปิณฺฑิกสุตฺตนฺตาทีนิ. มธุปิณฺฑิกสุตฺตสฺมึ หิ ภควา "ยโตนิทานํ ภิกฺขุ ปุริสํ ปปญฺจสญฺญาสงฺขา สมุทาจรนฺติ, เอตฺถ เจ นตฺถิ อภินนฺทิตพฺพํ อภิวทิตพฺพํ อชฺโฌสิตพฺพํ, เอเสวนฺโต ราคานุสยานนฺ"ติ ๒- มาติกํ ฐเปตฺวา อุฏฺฐายาสนา วิหารํ ปาวิสิ.

ธมฺมปฏิคฺคาหกา ภิกฺขู มหากจฺจานตฺเถรํ ๓- อุปสงฺกมิตฺวา ทสพเลน ฐปิตมาติกาย อตฺถํ ปุจฺฉึสุ. เถโร ปุจฺฉิตมตฺเตเนว ๔- อกเถตฺวา ทสพลสฺส อปจิตึ ทสฺสนตฺถํ