@๓ ก. มหากจฺจายนตฺเถรํ. เอวมุปริปิ ๔ ฉ.ม. ปุจฺฉิตมตฺตเกเนว "เสยฺยถาปิ อาวุโส ปุริโส สารตฺถิโก สารคเวสี"ติ ๑- สาโรปมํ อาหริตฺวา สารรุกฺโข วิย ภควา สาขาปลาสสทิสา สาวกา. โส หาวุโส ภควา ชานํ ชานาติ, ปสฺสํ ปสฺสติ จกฺขุภูโต ญาณภูโต ธมฺมภูโต พฺรหฺมภูโต วตฺตา ปวตฺตา อตฺถสฺส นินฺเนตา อมตสฺส ทาตา ธมฺมสามี ตถาคโตติ สตฺถารํ โถเมตฺวา ปุนปฺปุนํ เถเรหิ ยาจิโต สตฺถารา ฐปิตมาติกาย อตฺถํ วิภชิตฺวา "อากงฺขมานา จ ปน ตุเมฺห อายสฺมนฺโต ภควนฺตํเยว อุปสงฺกมิตฺวา เอตมตฺถํ ปุจฺเฉยฺยาถ, สเจ สพฺพญฺญุตญาเณน สทฺธึ สํสนฺทิยมานํ สเมติ, ตํ คเณฺหยฺยาถ. โน เจ มา คณฺหถา"ติ อิมินา อธิปฺปาเยน "ยถา จ โว ภควา พฺยากโรติ, ตถา ตํ ธาเรยฺยาถา"ติ วตฺวา อุยฺโยเชสิ.

เต สตฺถารํ อุปสงฺกมิตฺวา เอตมตฺถํ ปุจฺฉึสุ. สตฺถา "ทุกถิตํ กจฺจาเนนา"ติ อวตฺวา สุวณฺณาลิงฺคํ ๒- อุสฺสาเปนฺโต วิย คีวํ อุปนาเมตฺวา ๓- สุปุปฺผิตสตปตฺตสสฺสิริกํ วิย มหามุขํ ปูเรนฺโต พฺรหฺมสฺสรํ นิจฺฉาเรตฺวา "สาธุ สาธู"ติ เถรสฺส สาธุการํ ทตฺวา "ปณฺฑิโต ภิกฺขเว มหากจฺจาโน, มหาปญฺโญ ภิกฺขเว มหากจฺจาโน, มญฺเจปิ ตุเมฺห ภิกฺขเว เอตมตฺถํ ปฏิปุจฺเฉยฺยาถ, อหมฺปิ มํ เอวเมวํ พฺยากเรยฺยํ, ยถา ตํ มหากจฺจาเนน พฺยากตนฺ"ติ ๔- อาห.

เอวํ สตฺถารา อนุโมทิตกาลโต ปฏฺฐาย ปน สกลํ สุตฺตนฺตํ พุทฺธภาสิตํ นาม ชาตํ. อานนทตฺเถราทีหิ วิตฺถาริตสุตฺตนฺเตสฺวปิ เอเสว นโย. เอวเมว สมฺมาสมฺพุทฺโธ สตฺตปฺปกรณานิ เทเสนฺโต กถาวตฺถุํ ปตฺวา วุตฺตนเยน มาติกํ ฐเปสิ. ฐเปนฺโต จ อิทมทฺทส:-

"มม ปรินิพฺพานโต อฏฺฐารสวสฺสาธิกานํ ทฺวินฺนํ วสฺสสตานํ