สาปิ ทานพลา มยฺหํ สตฺตกฺขตฺตุํ ปกมฺปถา"ติ ๕- เอวํ มหาปฐวีกมฺปนานิ ๖- มหาปุญฺญานิ กตฺวา อายุหปริโยสาเน อิโต จุโต ตุสิตภวเน นิพฺพตฺติ, ตตฺถ อญฺเญ เทเว ทสหิ ฐาเนหิ อธิคณฺหิตฺวา "ยาวตายุกํ ทิพฺพสมฺปตฺตึ อนุภวนฺโต มนุสฺสคณนาย สฏฺฐิวสฺสสตสหสฺสาธิกานิ สตฺตปญฺญาสวสฺสโกฏิโย อิทานิ สตฺตหิ ทิวเสหิ อายุกฺขยํ ปาปุณิสฺสตี"ติ วตฺถานิ กิลิสฺสนฺติ, มาลา มิลายนฺติ, กจฺเฉหิ เสทา มุญฺจนฺติ, ๗- กาเย เววณฺณิยํ โอกฺกมติ, เทโว เทวาสเน น สณฺฐหตีติ อิเมสุ ปญฺจสุ ปุพฺพนิมิตฺเตสุ อุปฺปนฺเนสุ ตานิ ทิสฺวา "สุญฺญา วต โภ สคฺคา ภวิสฺสนฺตี"ติ สํเวคชาตาหิ เทวตาหิ มหาสตฺตสฺส ปูริตปารมิภาวํ ญตฺวา "อิมสฺมึ อิทานิ อญฺญํ เทวโลกํ อนุปคนฺตฺวา มนุสฺสโลเก อุปฺปชฺชิตฺวา พุทฺธภาวํ ปตฺเต ปุญฺญานิ กตฺวา จุตา จุตา มนุสฺสา เทวโลกํ ปริปูเรสฺสนฺตี"ติ จินฺเตตฺวา:-

@๓ ฉ.ม. ฉวฏฺฐิกํ อุปนิธายหํ ๔ ฉ.ม. คามณฺฑลา, สี. โคมณฺฑลา

@๕ ขุ.จริยา. ๓๓/๑๒๔ (เวสฺสนฺตรจริย) ๖ ม. มหาปถวีกมฺปนาทิการณานิ